P-School Reunion vol. 1

哈~
好一個小學reunion...尋晚差不多接近零時12點的時候收倒一個unknown no. 的call...
馬: 喂, 點呀?
我: 你係邊個?
馬: ?? 我係邊個?? 你唔係唔知我係邊個呀嘛?!
我一聽o個句"你唔係唔知我係邊個呀嘛?!"就知係佢啦...小學同學呀馬生...原本約左o係m記倒食野, 之後又無啦啦打黎話去唱k...於是我就膽粗粗咁趁我媽沖緊涼o既時候, 同爸媽交代一下就出門口喇~由於時間"尚早", 所以我要求馬生黎接我~~~ (我都係第一次咁"早"出門咖咋)

去到green box時, 已經過左12點...本來可以唱到朝早6點, 但馬生同base都好"支力"加上我爸又催, 如果唔係我真係同魚旦唱足佢呀~~~